Mh Esupati Ngulupa aibuka kidedea tena

Posted on: August 28th, 2017

Mheshimiwa Esupati Ngulupa wa chama cha MAPINDUZI  amechaguliwa tena kuwa Makamu Mwenyekiti wa Halmashauri ya Wilaya ya Longido   baada ya kushika nafasi hiyo kwa mwaka mmoja

Mh. Esupati Ngulupa ametetea kiti chake baada ya kupata kura 14 kati ya kura 23 zilizopigwa na kumshinda mpinzani wake Mhe. Naomi Mollel diwani  viti maalum wa Chama Cha demokrasia na Maendeleo( CHADEMA ) aliyepata kura 9

Uchaguzi huo umefanyika wakati wa Mkutano Maalumu  wa Baraza la Madiwani na kufanya uchaguzi wa Makamu mwenyekiti  wa baraza hilo ambapo kisheria huchaguliwa kila baada ya mwaka mmoja.

Mkurugenzi Mtendaji wa Halmashauri ya Longido  ndugu Jumaa Mhina amemtangaza Mh. Esupati Ngulupa ambaye ni Diwani viti maalum kuwa Makamu Mwenyekiti kwa kipindi cha mwaka mmoja baada ya kupata kura 14 na kumshinda Mhe. Naomi Mollel aliyepata kura 9 kati ya kura 23 zilizopigwa.

"Kwa mamlaka niliyopewa ninamtangaza mheshimiwa Esupati Ngulupa  kuwa Makamu Mwenyekiti aliyepata kura 14 na kumshinda mheshimiwa Naomi Mollel aliyepata kura 9 kati ya kura 23 zilizopigwa na wajumbe wa baraza la Madiwani". Amesema Mhina.

Aidha Mh.Esupati Ngulupa amewashukuru wajumbe kwa kumpa kura zilizotosha kumpa nafasi  ya Makamu Mwenyekiti wa baraza na kuahidi kufanya kazi na kila mmoja.

Kwa mujibu wa Sheria na Kanuni  za serikali za mitaa uchaguzi wa Makamu Mwenyekiti wa baraza la Madiwani hufanyika kila baada ya mwaka mmoja na kufanya nafasi hiyo kugombewa kila baada ya muda huo kumalizika.